Адкрыты конкурс «Амерыканская культура: якая яна?»

Адкрыты конкурс «Амерыканская культура: якая яна?» Цэнтр міжкультурнага дыялогу пры падтрымцы Амбасады ЗША ў Рэспубліцы Беларусь сумесна з Міжнародным фондам “Залатая спадчына Віцебска” і Інстытутам сацыялогіі Нацыянальнай акадэміі навук абвяшчаюць адкрыты конкурс «Амерыканская культура: якая яна?»

На конкурс прымаюцца творчыя працы ад аўтараў і аўтарскіх калектываў незалежна ад іх узросту, роду заняткаў і краіны жыхарства па двух напрамках “Прыцягальнасць амерыканскай культуры”, “Беларускія акцэнты ў амерыканскай культуры” у намінацыях: эсэ, верш, малюнак, фотаздымак.

 

Матэрыялы прымаюцца да 31 снежня 2011 г. на электронны This e-mail address is being protected from spambots. You need JavaScript enabled to view it. і паштовы адрасы: 220072, Рэспубліка Беларусь, г. Мінск, вул. Сурганава, 1/2, п. 1015 з адзнакай «Конкурс».

Да 30 cтудзеня 2012 г. будзе аб’яўлены шорт-ліст лепшых прац, да 28 лютага 2012 г. – пераможцы конкурса.

Працы ў форме эсэ або верша павінны быць выкананыя на беларускай мове, мець аб’ём да 2 тыс. слоў і падавацца ў фармаце Doc.

Працы ў форме малюнка або фотаздымка падаюцца на конкурс у колькасці не больш за 3 шт. ад аднаго заяўніка.

Да прац дадаюцца суправаджальныя запіскі на беларускай мове з імем і прозвішчам аўтара (калектыва), з указаннем узросту, роду заняткаў і месца жыхарства, кантактнага тэлефона і электроннага адраса , а таксама з кароткай характарыстыкай пададзеных матэрыялаў і гісторыяй іх стварэння аб’ёмам да 2 друкаваных старонак.

 

Па выніках конкурсу будзе арганізавана міжнародная выстава лепшых прац. Лепшыя працы ўвойдуць таксама ў асобны зборнік, будуць размешчаны на інфармацыйных інтэрнэт-рэсурсах і апублікаваныя ў СМІ.

Камплект узнагароды складаецца з каштоўнага прыза і сертыфіката.

З мэтай заахвочвання дзейнасці па развіцці амерыканістыкі пераможцам конкурса будзе аказана садзеянне ва ўдзеле ў амерыканскіх праграмах абмену.

Пераможцы конкурса будуць запрошаныя да ўдзелу ў Амерыканскім клубе.

Па рашэнні Журы працы, якія прайшлі ў другі тур, але не сталі пераможцамі, могуць узнагароджвацца дыпломамі і спецыяльнымі прызамі.

Для даведак:
е-mail: This e-mail address is being protected from spambots. You need JavaScript enabled to view it.
тэл: +375 29 6732621; +375 29 5694495

Вы тут:Главная Адкрыты конкурс «Амерыканская культура: якая яна?»